Ауған соғысы ардагерлерімен кездесу

Ауған соғысы ардагерлерімен кездесу

    Бақтыбай Жолбарысұлы атындағы орта мектебінде Ауған соғысының 33 жылдығына орай Ауған соғысы ардагерлерімен кездесу ұйымдастырылды.
    Мектеп директоры Ж.Т.Оспанов оқушы жастарды құттықтап, шараға келген қонақтарға алғыс білдірді.
   Іс-шараға Ауған соғысының ардагері Мынбаев Марал Сарыбайұлы шақырылды.
    Кеңес сарбаздарының Ауған жерінен қайтып оралғандарына 33 жыл өтті. Жас жеткіншектер соғыс майданына аттанып, соғыс ардагерлері болып оралды. Бүгінде осы ардагерлеріміз Ауған жерінде болған сұм соғыстың қиын-қыстау кезеңдерін, ерлік пен даңқты батыр-қаhармандары туралы естелік айтушы тұлғаларымыз. Сарбаздарымыз өздерінің әскери міндеттерін адал орындап, әскери қызмет соңына дейін нағыз сарбаз атағына лайық бола білді. Ауған соғысы ардагерлері ҰОС жылдарындағы фашизмді жеңген  қаһарман ата –бабаларымыздың ерен ерлігін екінші мәрте қайталады.
    Шараға қатысқан қонағымыз ерліктері туралы баяндап, жастарды өз Отанын сүюге, жаудан қорғауға, өз елінің патриоты болуға шақырды.
   Кездесу барысында мектеп оқушылары ұйымдастырған музыкалық номерлерімен жалғасты.
     Мектебіміздің әскери жетекшісі Р.Х.Абдуллин және 6 "ә" сынып жетекшісі А.Ж.Жакупбекова оқушылар үшін маңызы зор тағылымы мол шараны ұйымдастырып, кейінгі ұрпаққа үлгі етті.